6 ივლისს ზუგდიდში კამპანია „ძალა ევროპაშია” ფარგლებში გაიმართება აქცია – „რუსული ოკუპაცია და საქართველოს ევროპული არჩევანი”. მიზანი მოსახლეობისთვის იმის კიდევ ერთხელ შეხსენებაა, რომ რუსეთი ოკუპანტია, პარარელურად კი ამ ქვეყნის მხარდამჭერ პოლიტიკას გააპროტესტებენ. ამასთან, ადამიანებს მიაწვდიან ინფორმაციას, ევროპული არჩევანის უპირატესობის შესახებ.
აქტივობის ფარგლებში, 15:00 საათიდან 17:00 საათმდე ბულვარის მიმდებარედ გამოიფინება რუსული/საბჭოთა ოკუპაციის ამსახველი ფოტო და საარქივო მასალა. თემატურად მოიხატება ქუჩის ცალკეული მონაკვეთი.
18:00 საათიდან კი სამხატვრო გალერეაში ლექციას წაიკითხავს ფილოსოფიის დოქტორი, საქართველოს გიორგი ლეონიძის სახელობის ქართული ლიტერატურის სახელმწიფო მუზეუმის დირექტორი ლაშა ბაქრაძე.
ღონისძიებები „საერთაშორისო გამჭვირვალობა-საქართველოს” სამოქალაქო საბჭოს წევრებისა და სამოქალაქო აქტივისტების ინიციატივით გაიმართება.
