ხორავას ქუჩაზე მოზარდთა მკვლელობის საქმეზე შექმნილი დროებითი საგამოძიებო კომისიის წევრები დღეს მოწმეებს გამოკითხავენ. კომისიის სამ-სამი წევრით დაკომპლექტებული 2 სამუშაო ჯგუფი სხვადასხვა მოწმეს პარალელურ რეჟიმში დაკითხავს.დეპუტატ სოფო კილაძის განცხადებით, დღეს მათ კითხვებზე პასუხების გაცემა მძღოლს მოუწევს, რომელიც 1 დეკემბერს მომხდარი მკვლელობის თვითმხილველია. დროებითი საგამოძიებო კომისიის არსებითი სხდომა შაბათს გაიმართება, რომელზეც შინაგან საქმეთა სამინისტროს წარმომადგენელი, დეტექტივი ირაკლი ფიფიაა დაბარებული.
13 ივნისს საგამოძიებო კომისიამ ხორავას ქუჩის საქმეზე დასაკითხი პირების სია გამოაქვეყნა.
პარლამენტის დროებითი საგამოძიებო კომისია, რომლის შექმნასაც პარლამენტმა 6 ივნისს უყარა კენჭი, 17 წევრისგან შედგება.