გალში ინციდენტების პრევენციისა და მათზე რეაგირების მექანიზმის ფარგლებში დაგეგმილი შეხვედრა ჩაიშალა. ამის შესახებ ჟურნალისტებს სუსის ანალიტიკური დეპარტამენტის უფროსის მოადგილე ირაკლი ანთაძემ განუცხადა. ანთაძის თქმით, შეხვედრის მონაწილე აფხაზმა და რუსმა მხარეებმა განაცხადეს, რომ თუ გიგა ოთხოზორიას მკვლელობის საკითხს განსახილველი საკითხების ნუსხიდან არ ამოიღებდნენ, მოლაპარაკების მაგიდას დატოვებდნენ, რასაც ქართული მხარის მხრიდან უარი მოყვა, რის შემდეგაც მათ შეხვედრა დატოვეს. სუსის ანალიტიკური დეპარტამენტის უფროსის მოადგილეს არ აქვს კითხვაზე პასუხი, გაგრძელდება თუ არა შეხვედრები გალში. ასევე ანთაძემ არ იცის შეიცვლება თუ არა ჟენევის მოლაპარაკების ფორმატი.
დღევანდელი შეხვედრის ჩაშლის მიზეზი ოთხოზორია-ტატუნაშვილის 33 კაციანი სია გახდა, სადაც იადამიანები წერია, რომლებსაც ქართული სახელმწიფო აფხაზეთის და ცხინვალის რეგიონში ეთნიკურად ქართველი მოსახლეობის უფლებების დარღვევას, წამება-მოკვლას ედავება.