ზვიად კუპრავა ზაზა სარალიძესთან ერთად დღეს პანკისის ხეობაში ჩადის. კუპრავა და სარალიძე, პანკისში სპეცოპერაციისას მოკლული თემირლან მაჩალიკაშვილის მამას შეხვდებიან. მალხაზ მაჩალიკაშვილთან შეხვედრისას, სამომავლო გეგმებზე იმსჯელებენ.
„არც თემირლან მაჩალიკაშვილის და არც დათო სარალიძის ეპიზოდებში არ არის აღდგენილი სამართლიანობა. სისტემა ისევ ებრძვის ამ ადამიანებს. ჩვენ განვსაზღვრავთ კონკრეტულ სამოქმედო გეგმას. ეს არის ბუტაფორიული მთავრობა. ერთი რაც არის, კვირიკაშვილი შეიცვალა კვირიკაძეთი. მეტი არაფერი ახალი არ არის. სისტემის ავანგარდში მყოფი ის მონსტრები ისევ ავანგარდში არიან,“-განაცხადა ზვიად კუპრავამ.
სამართლიანობის აღდგენისა და ხორავას ქუჩაზე მომხდარ მკვლელობაში ყველა დამნაშავის დასჯის მოთხოვნით მიმდინარე აქციები რუსთაველის გამზირზე ორი კვირის წინ დროებით შეწყდა.