პრემიერის რანგში მამუკა ბახტაძე პირველი მთავრობის სხდომის დაწყებამდე მედიას მცირე მთავრობის კონცეფციის ფარგლებში დაგეგმილი ცვლილებების შესახებ ესაუბრა. მამუკა ბახტაძემ განცხადებები საგანგებო ბრიფინგზე გააკეთა. ბახტაძემ სამინისტროების სტრუქტურული ცვლილებების შედეგი გაასაჯაროვა, თუმცა არ დააკონკრეტა სახელები და გვარები, რომლებიც მთავრობის ახალ შემადგენლობაში მინისტრის პორტფელს ჩაიბარებენ.
პრემიერ მამუკა ბახტაძის განცხადებით 14 სამინისტროდან მხოლოდ 10 სამინისტრო რჩება და და ერთი სახელმწიფო მინისტრის აპარატი იქმნება. , კულტურისა და სპორტის სამინისტრო განათლებისა და მეცნიერების სამინისტრო შეერწყმება,
სასჯელაღსრულებისა და პრობაციის სამინისტრო – იუსტიციის სამინისტროს, რელიგიის სააგენტო – შერიგებისა და სამოქალაქო თანასწორობის საკითხებში სახელმწიფო მინისტრის აპარატს, ეკონომიკის სამინისტროს სივრცითი განვითარების კომპონენტი გადავა ინფრასტრუქტურის სამინისტროში, ხოლო ოკუპირებული ტერიტორიებიდან დევნილთა და განსახლების სამინისტრო უქმდება და მისი ფუნქცია გადანაწილდება სამ უწყებაზე , კერძოდ, დევნილთა განსახლების ფუნქცია გადავა ინფრასტრუქტურის სამინისტროს კომპეტენციაში, მიგრაციის კომპონენტს შს სამინისტრო შეითავსებს, სოციალური პოლიტიკა კი ჯანდაცვის სამინისტროს გადაეცემა.
„დარწმუნებული ვარ ამ ცვლილებებით ჩვენ დასაბამს მივცემთ მცირე მთავრობის კონცეფციის განხორციელებას, რადგან სწორედ ასეთი მთავრობის ყოლა შედის ჩვენი ხალხის ინტერესებში.
შემცირდება სამთავრობო ხარჯები და ეს მთლიან შიდა პროდუქტთან მიმართებაში ჩამოვა 3.9 %, ჩვენთვის ეს ნიშნული იქნება ის მაქსიმუმი ზედა ჯერი, რომლითაც უნდა ვიხელმძღვანელოთ“-განაცხადა ბახტაძემ.
მისი თქმით, დაზოგილი ბიუროკრატიული ხარჯები მოხმარდება ქვეყნის მოსახლეობის პრობლემების მოგვარებას..