ნიუ-ჯერსის შტატში ერთ-ერთ გამოფენაზე სროლის შედეგად, 20-მდე ადამიანი დაიჭრა.
შემთხვევა ქალაქ თრენთონში მოხდა, სადაც ყოველწლიური გამოფენა იმართება.
მერსერის ოლქის პროკურორის ანჯელო ონოფრის განცხადებით, 20-დან 16 ადამიანი ცეცხლსასროლი იარაღით არის დაჭრილი. ისინი საავადმყოფოში გადაიყვანეს.
ადგილობრივი მედიის ცნობით, ერთერთი სავარაუდო თავდამსხმელი ლიკვიდირებულია, მეორე ეჭვმიტანილი კი – დაკავებული.
მომხდარის მიზეზი ამ დროისთვის უცნობია.
მანამდე გავრცელებული ინფორმაციით, გამოფენაზე მყოფმა პოლიციელმა, რომელიც სამსახურებრივ მოვალეობას არ ასრულებდა, საპასუხო ცეცხლი გახსნა, მას შემდეგ რაც გამოფენაზე სროლა დაიწყო.
