საქართველოს პრემიერ-მინისტრობის კანდიდატი მამუკა ბახტაძე რამდენიმე უწყების გაერთიანებას გეგმავს.
"ჩვენი კონცეფცია არის მცირე მთავრობა, რომელიც გულისხმობს ძალიან მნიშვნელოვან ცვლილებებს. ეს არის რაც ამ ეტაპზე შემიძლია დაგიდასტუროთ. მიმდინარეობს კონსულტაციები, თუმცა ამოსავალი წერტილი არის, რომ ჩვენ გვჭირდება მცირე ზომის, მაგრამ ამავე დროს ოპერატიული და მოქნილი მთავრობა. ჩვენ გვჭირდება მცირე ზომის მთავრობა, რომელიც რა თქმა უნდა, გულისხმობს გარკვეული უწყებების გაერთიანებას",- განაცხადა ბახტაძემ
.საქართველოს მთავრობის ახალი შემადგენლობა კვირის განმავლობაში ჩამოყალიბდება. პარლამენტის თავმჯდომარის ირაკლი კობახიძის განცხადებით, დღეს, ბიუროს სხდომაზე მთავრობის შემადგენლობის განხილვის გრაფიკი დამტკიცდება. პარლამენტის თავმჯდომარის განცხადებით, მთავრობის ფორმირების პროცესი, სავარაუდოდ, ამ კვირაში დასრულდება.
როგორც თბილისის მერმა, მმართველი პარტიის გენერალურმა მდივანმა, კახა კალაძემ ჟურნალისტებს განუცხადა. მინისტრთა კაბინეტის ახალი წევრების შესახებ ინფორმაცია დღეს ან ხვალ გახდება ცნობილი.