უკვე ცნობილია, რომ ეკონომიკის მინისტრის მოადგილის კანდიდატურა იქნება დიმიტრი ქუმსიშვილის მოადგილე გენადი არველაძე, ფინანსთა მინისტრის კანდიდატურად კი მამუკა ბახტაძის ყოფილი მოადგილე ნიკოლოზ გაგუა, საგარეო საქმეთა მინისტრის კანდიდატურად დავით ზალკალიანი დასახელდა.საპარლამენტო უმრავლესობაში აცხადებენ, რომ ამ ეტაპზე იმაზე საუბარი თუ რომელიც სამინისტროები გაუქმდება ნაადრევია.
პარლამენტის ფრაქცია ”ქართული ოცნების” თავმჯდომარე ამბობს, რომ მთავრობის შემადგენლობის განახლებამდე, მინისტრების მოვალეობას შეასრულებენ მათი მოადგილეები შესაბამისად შეფერხება სამინისტროების მუშაობაში არ მოხდება.მმართველი გუნდის წევრები ამბობენ, რომ მათთვის სამინისტროების შემცირება მისაღებია. სამინისტროს რესტრუქტურიზაციას საკანონმდებლო ცვლილებები სჭირდება. როგორც პარლამენტის საპროცედურო საკითხთა და წესების კომიტეტის თავმჯდომარე განმარტავს ამ ეტაპზე მოხდება გარდამავალი მთავრობის შემადგენლობის დამტკიცება თუმცა სამი სამინისტრო იქნება წარმოდგენილი ფორმალურად.
საქართველოს მომდევნო სამი კვირის განმავლობაში დროებითი მთავრობა ეყოლება. პარლამენტს დღეს პრემიერობის კანდიდატმა მამუკა ბახტაძემ მიმართა და ახალი მინისტრთა კაბინეტის დასამტკიცებლად დრო ითხოვა. ბახტაძე ამბობს, რომ სამინისტროებს 14-დან 11- მდე ამცირებს ამ პროცესს კი საკანონმდებლო ცვლილებები და დრო სჭირდება.