სულ მცირე 3 ადამიანი ემსხვერპლა ძლიერ მიწისძვრას იაპონიაში. 6.1 მაგნიტუდის სიძლიერის მიწისქვეშა ბიძგები ქვეყნის დასავლეთ რეგიონში დაფიქსირდა.
მიწისძვრის ეპიცენტრი ქალაქ ოსაკას მახლობლად იყო.
ამ დროისთვის არსებული ინფორმაციით, დაშავებულია 200-ზე მეტი ადამიანი. მიწისძვრის შედეგად პარალიზებული იყო ტრანსპორტის მიმოსვლა, გადაიდო ყველა რეისი ადგილობრივ აეროპორტებში.
ელექტროენერგიის გარეშე დარჩა 170 ათასზე მეტი ოჯახი. ნგრევის მასშტაბის შესახებ დაზუსტებული ინფორმაცია ჯერჯერობით არ ვრცელდება.