მთავარისიახლეებისაზოგადოებასასკოლო ექსკურსიებთან დაკავშირებით რეგულაციები მკაცრდება

სასკოლო ექსკურსიებთან დაკავშირებით რეგულაციები მკაცრდება

Published on

განათლების და მეცნიერების სამინისტროს ინფორმაციით, ბოლო პერიოდში განვითარებული მოვლენებიდან გამომდინარე სასკოლო ექსკურსიებთან დაკავშირებით რეგულაციები გამკაცრდება. აღნიშნულთან დაკავშირებით საქართველოს განათლებისა და მეცნიერების მინისტრის მოადგილემ ლია გიგაურმა ისაუბრა. მისი თქმით, ექსკურსიებს ძალიან დიდი საგანმანათლებლო მნიშვნელობა მიენიჭება. ამ კუთხით პროგრამები გაგრძელდება, თუმცა უსაფრთხოების ნორმები მკვეთრად გაძლიერდება.
 
განათლების და მეცნიერების სამინისტროს ინფორმაციით, ახალი მიდგომით, სკოლას დაევალება, გადამყვანი კომპანიისგან მოითხოვოს მძღოლის კვალიფიკაციისა და ავტომანქანის ტექნიკური გამართულობის დამადასტურებელი დოკუმენტები. 
 
უწყების ცნობით, გარდა ამისა, ექსკურსია საგანმანათლებლო დაწესებულების მიერ იქნება ორგანიზებული თუ მშობელთა ინიციატივით, აუცილებელი გახდება სკოლა დაგეგმილ ექსკურსიაზე საქმის კურსში იყოს. ასევე, აუცილებელი იქნება ჯგუფის შემადგენლობაში სრულწლოვანი პირი შედიოდეს, რომელსაც პირველადი სამედიცინო დახმარების კურსი ექნება გავლილი. 
 
სამინისტროს ინფორმაციით, დღეის მდგომარეობით, საქართველოს განათლებისა და მეცნიერების სამინისტროს, კულტურისა და სპორტის სამინისტროსა და შრომის, ჯანმრთელობისა და სოციალური დაცვის სამინისტროს მიერ ექსკურსიებთან დაკავშირებით შემუშავებული რეკომენდაციები მოქმედებს. თუმცა, როგორც განათლების სამინისტროში განმარტავენ, მხოლოდ იმ შემთხვევაში ვრცელდება, როდესაც ორგანიზატორი რომელიმე ინსტიტუცია, მაგალითად, საჯარო, კერძო, სახელოვნებო, სპორტული და ა.შ. სკოლა და დაწესებულებაა. თვითორგანიზებულ ექსკურსიებზე არსებული რეგულაცია ამ დრომდე არ ვრცელდებოდა. 

სიახლეები

სასახლის ღობის საქმეზე დაკავებული 64 წლის კაცმა ცალი თვალიდან მხედველობა დაკარგა

სასახლის ღობის საქმეზე დაკავებული 64 წლის კონსტანტინე კოკაიამ ცალი თვალიდან მხედველობა დაკარგა. ინფორმაცია TV...

ელდარ (ლუკა) კურტანიძეს ახალი ბრალდებაც წარუდგინეს, მას 5 წლამდე პატიმრობა ემუქრება

ქართული ოცნების ყოფილ დეპუტატს ელდარ (ლუკა) კურტანიძეს ახალი ბრალი წარუდგინეს - მას ბინის ან სხვა მფლობელობის...

ეუთოს თავმჯდომარე საოკუპაციო ზოლთან საქართველოს ოფიციალური პირების გარეშე ჩავიდა

ეუთო-ს (OSCE) მოქმედი თავმჯდომარე და ფინეთის საგარეო საქმეთა მინისტრი, ელინა ვალტონენი საოკუპაციო ხაზთან ჩავიდა....

“ოცნების” დაპირისპირება ეუთოს მოქმედ თავმჯდომარესთან

შალვა პაპუაშვილი ეუთოს მოქმედ თავმჯდომარეს, ფინეთის საგარეო საქმეთა მინისტრს საქართველოს კანონმდებლობის დარღვევაში ადანაშაულებს. "ქართული ოცნების"...