გლდანში მკვლელობა მოხდა. წინასწარი ინფორმაციით, მოკლულია ახალგაზრდა მამაკაცი. სავარაუდოდ, ადგილობრივებმა გარდაცვლილი 25 წლამდე ბიჭი გლდანის მე-4 მიკრორაიონში იპოვეს.
წინასწარი ინფორმაციით, კონფლიქტი სხვა მიკრორაიონში მოხდა, რა დროსაც მამაკაცი დაჭრეს, დაჭრილი კი მე-4 მიკრორაიონში მივიდა და გარდაიცვალა.
ტერიტორია შემოსაზღვრულია ყვითელი ლენტით. ადგილზე იმყოფებიან სამართალდამცველები და საგამოძიებო მოქმედებები მიმდინარეობს.