14 ივნისს 17.00 საათზე პოლიტიკური გაერთიანება „ქართული ოცნება-დემოკრატიული საქართველოს“ ცენტრალურ ოფისში გაიმართება უმრავლესობის გაფართოებული სხდომა. ინფორმაციას ამის შესახებ მმართველი პარტიის პრესსამსახური ავრცელებს.საპარლამენტო უმრავლესობა პრემიერმინისტრობის კანდიდატურაზე სწორედ დღეს იმსჯელებს. დედაქალაქის მერის კახა კალაძის განცხადებით, პრემიერმინისტრის პოსტზე განიხილება რამდენიმე კანდიდატი და ამის შესახებ პოლიტსაბჭოს სხდომაზე გახდება ცნობილი. გიორგი კვირიკაშვილმა გადადგომის შესახებ გუშინ სპეციალურ ბრიფინგზე განაცხადა. მისი თქმით, პარტიის თავმჯდომარეს უნდა მიეცეს შესაძლებლობა, რომ მან გუნდი დააკომპლექტოს. შესაძლო სამთავრობო ცვლილებების შესახებ მედია რამდენიმე დღის განმავლობაში წერდა, თუმცა ხელისუფლების წარმომადგენლები გავრცელებულ ხმებს არ ადასტურებდნენ.