რუსთაველის გამზირზე ენმ-ის ლიდერი, ნიკა მელია სამართალდამცავებმა დააკავეს. სამართალდამცავები ამ წუთებში ირაკლი ნადირაძესა და თინათინ ბოკუჩავასაც აკავებენ.
სანამ დაკავება მოხდებოდა, რუსთაველის გამზირზე პარლამენტის წინ ყვითელი ავტობუსებით დამატებით მიიყვანეს ხელკეტებითა და ფარებით შეიარაღებული სამართალდამცავები , თუმც პოლიცია აქ დილიდანაც დიდი რაოდენობით იყო მობილიზებული.
მათ დაკავებული ჰქონდათ კარვები, რომლებიც რუსთაველზე გზის სავალი ნაწილიდან პარლამენტის წინ გადაიტანეს და აქციის მონაწილეებს კარვებში შესვლის საშუალებას არ აძლევდნენ,ენმ – ს ლიდერმა სამართალდამცავებს მიმართა და მოუწოდა აეხსნათ, რატომ არ აძლევდნენ აქციის მონაწილეებს კარვებში შესვლის საშუალებას.რასაც ფიზიკური და სიტყვიერი დაპირისპირება მოჰყვა.
ნიკა მელიას სამართალდარღვევას ედავებიან.
,,რა სამართალდარღვევა. ივანიშვილი გველაპარაკება რუსულ, ქურდულ ენაზე“-ასე ეხმაურება „ნაციონალური მოძრაობის“ ერთ-ერთი ლიდერი მურთაზ ზოდელავა ნიკა მელიას დაკავებას და მიმდინარე მოვლენებს.
ზოდელავა ამბობს, რომ ის რაც ახლა რუსთაველსა და საქალაქო სასამართლოში ხდება, არის ივანიშვილის მიერ გაცემული ბრძანება, რასაც გახარიას უწყება ასრულებს.
„საპატრულო პოლიციის უფროსი კუპატაძე არის ადიკო ივანიშვილის ნათლული. გახარიას ხელით ხდება ეს ყველაფერი.
მოხდა მასზე ფიზიკური ძალადობა მე ასეთი რამე ცხოვრებაში არ მინახავს, რომ მთავარი ოპოზიციური ძალის თავმჯდომარეს წიხლებით შედგნენ. დღეს კუპატაძემ ჩაიდინა რამდენიმე მძიმე დანაშაული.
„დღეს ივანიშვილი გველაპარაკება ჟარგონული ენით და ეს არის დაჩმორების მცდელობა. დღეს არის მცდელობა რომ დააჩმარონ შვილმკვდარი მამები. ეს პროცესი არ შეწყდება, ისინი ჩვეულებრივი ადმაიანების დაჩმორებასაც შეეცდებიან სამწუხარიოდ ძალიან მძიმეა ჩემთვის, რომ სამართალდამცველები ჩაერთნენ ამ პროცესში,“-განაცხადა ზოდელავამ.
ამ წუთებში რუსთაველზე სამართალდამცავები კარვების დემონტაჟს ახდენენ.
დღეს პარლამენტის წინ აქცია 18:00 საათზე განახლდება.