თურქი სამართალდამცველები წამებისა და მკვლელობის ბრალდებით საქართველოს მოქალაქეს ეძებენ. ადგილობრივი მედიის ინფორმაციით, სტამბოლში მცხოვრებ თურქეთის მოქალაქეებს, მათ მიერ სამუშაოზე აყვანილი ორი ქართველი დაესხა თავს.
გავრცელებული ინფორმაციით, საქართველოს მოქალაქეებმა თურქ ცოლ-ქმარს ხელ-ფეხი შეუკრეს და თავზე პოლიეთილენის პარკები ჩამოაცვეს. ადგილზე მისულ სამართალდამცველებს მაღაზიის მეპატრონე გარდაცვლილი დახვდათ, მისი მეუღლე კი საავადმყოფოში გადაიყვანეს. ერთ-ერთი თავდამსხმელი დაკავებულია, მეორეს კი პოლიცია ამ დრომდე ეძებს.