პარლამენტის ბიუროს სხდომაზე, ხორავას ქუჩაზე მომხდარი მკვლელობის საქმეზე დროებითი საგამოძიებო კომისიის შემადგენლობას განიხილავენ.

 

„კურიერის“ ინფორმაციით, მმართველი გუნდიდან კომისიის მუშაობაში ჩაერთვება მამუკა მდინარაძე, დიმიტრი ცქიტიშვილი, ანრი ოხანაშვილი და ეკა ბესელია.

 

17 კაციან კომისიაში 9 დეპუტატი „ევროპული საქართველოდან“ იქნება და ხელმძღვანელის პოსტსაც სწორედ საპარლამენტო უმცირესობის წევრი სერგი კაპანაძე ჩაიბარებს. დარჩენილი რვა კვოტიდან „ქართულმა ოცნებამ“ ორი „პატრიოტთა ალიანსს“, ერთიც დამოუკიდებელ დეპუტატს, სალომე ზურაბიშვილს უნდა დაუთმოს. კომისიის შემადგენლობა ამ დროისთვის ვერ დამტკიცდა.

 

 “ ნაციონალური მოძრაობა” საგამოძიებო კომისიაში ჩართვაზე უარს ამბობს.  ,,ჩვენ კომისიის მუშაობაში მონაწილეობას არ მივიღებთ. ღრმად ვართ დარწმუნებული, რომ ეს იქნება დროის სამთვიანი გაწელვა და ხელისუფლების ხრიკი, რომ ქვეყანაში შექმნილი კრიზისი გადააგოროს. ჩვენ ამას ხელს არ შევუწყობთ“ – განაცხადა რომან გოცირიძემ 

 

ამ მკაფიო განცხადების მიუხედავად, . პარლამენტის თავმჯდომარემ „ნაციონალურ მოძრაობას“ 16:00 საათამდე მისცა დრო, რომ გადაწყვიტონ იღებენ თუ არა კომისიის მუშაობაში მონაწილეობას.

 

 

რაც შეეხება „ევროპულ საქართველოს“ – კომისიის შემადგენლობაში იქნებიან ელენე ხოშტარია, გიგა ბოკერია, სერგო რატიანი, მამუკა ჩიქოვანი, ირმა ნადირაშვილი, ხათუნა გოგორიშვილი, ოთო კახიძე.  

 

„ევროპულ საქართველოში“ აცხადებენ, რომ კომისიის მუშაობის ფარგლებში პარლამენტში დაიბარებენ ყველა იმ მაღალჩინოსანს, ვის მიმართაც მოზარდების მკვლელობის საქმეზე კითხვები არსებობს. მათ შორის ყოფილ მთავარ პროკურორ ირაკლი შოთაძეს და პროკურატურის ყოფილ მაღალჩინოსან მირზა სუბელიანს.

 

„

საგამოძიებო კომისიას მუშაობისთვის სამთვიანი ვადა აქვს, თუმცა  შესაძლოა დასკვნა მანამდეც დაიდოს. კომისიის დასკვნა პარლამენტმა უნდა დაამტკიცოს. დამტკიცების შემთხვევაში დასკვნა უნდა გაითვალისწინოს როგორც პროკურატურამ, ასევე სასამართლომ.