დღეს სამაჩაბლოს საოკუპაციო ხაზთან რუსმა სამხედროებმა დირბის ეკლესიის წინამძღვარი მამა იოანე ოხანაშვილი დააკავეს. როგორც “ სუს-ში აცხადებენ, , ამოქმედებულია ცხელი ხაზი და ინფორმაცია უკვე მიეწოდა ევროკავშირის სადამკვირვებლო მისიას.
რაც შეეხება საპატრიარქოს რეაქციას, პატრიარქის მდივნის, დეკანოზმა მიქაელ ბოტკოველის განცხადებით, დირბის ეკლესიის წინამძღვრის დააკავების შესახებ ინფორმაცია მათთვის მციტრე ხნის წინ გახდა ცნობილი და მომხდარი ფაქტის მოკვლევა მიმდინარეობს.
დღესვე რუსმა სამხედროებმა საოკუპაციო ხაზთან კიდევ ერთი პირი დააკავეს. ამ ინფორმაციას “ სუს-ი ადასტურებს.
,უწყებაში აცხადებენ, რომ მამა იოანე კიდევ ერთ თანმხლებ პირთან ერთად საოკუპაციო ხაზთან ახლოს, სოფელ დვანში იმყოფებოდა, სადაც ტაძრის მშენებლობა მიმდინარეობს.
ე.წ. მესაზღვრეების მიერ საოკუპაციო ხაზთან დაკავებული მეორე პირი ხურვალეთის მცხოვრები, 58 წლის თეიმურაზ დუდაშვილია. არის ცნობები, რომ ისინი ცხინვალის მიმართულებით გადაიყვანეს. ადგილობრივები აცხადებენ, რომ დაკავებიდან დაახლოებით ნახევარი საათის განმავლობაში, მანქანა, რომელშიც შეიარაღებულმა პირებმა დუდაშვილი ჩასვეს, გამყოფი ხაზის სიახლოვეს იყო გაჩერებული, ცოტა ხნის წინ კი, აღნიშნული ავტომობილი ოკუპირებული ცხინვალის მიმართულებით გაემართა.