პანკისის ხეობაში სპეცოპერაციისას მოკლული თემირლან მაჩალიკაშვილის ოჯახის ადვოკატის, მარიამ კუბლაშვილის განცხადებით, საქართველოს პრემიერ-მინისტრთან შეხვედრისას გიორგი კვირიკაშვილს მიეცა გონივრული ვადა არსებულ კითხვებზე პასუხის გასაცემად და დამნაშავეების დასაჯელად, წინააღმდეგ შემთხვევაში გაიმართება ფართომასშტაბიანი აქციები:
„ჩვენი მოთხოვნა არის უცვლელი, უნდა დაისაჯონ დამნაშავეები, თუ ჩვენ ვერ ვიპოვით სამართალს, აქციები ცხადია იქნება კიდევ უფრო მასშტაბური, მიეცა გონივრული ვადა, დაახლოებით 10-14 დღე“, – განაცხადა მარიამ კუბლაშვილმა.
გიორგი კვირიკაშვილისა და მალხაზ მაჩალიკაშვილის შეხვედრა მთავრობის კანცელარიაში რამდენიმე წუთის წინ დასრულდა, შეხვედრას ესწრებოდნენ ოჯახის ადვოკატი მარიამ კუბლაშვილი და სახალხო დამცველი, ნინო ლომჯარია.
შეგახსენებთ, მხარეების გადაწყვეტილებით მალხაზ მაჩალიკაშვილის და ზაზა სარალიძის პრემიერთან შეხვედრა ცალ-ცალე შედგა. ამ წუთებში მიმდინარეობს პრემიერ-მინისტრის შეხვედრა ს ხორავას ქუჩაზე დაღუპული დავით სარალიძის მშობლებსა და ადვოკატებთან. შეხვედრაზე იმყოფებიან შინაგან საქმეთა მინისტრი გიორგი გახარია და სახალხო დამცველი ნინო ლომჯარია. .