ფრაქცია „ნაციონალური მოძრაობა“ ხორავას ქუჩაზე მომხდარ მკვლელობასთან დაკავშირებით შექმნილ პარლამენტის საგამოძიებო კომისიის მუშაობაში მონაწილეობას არ მიიღებს – ამის შესახებ ჟურნალისტებს ფრაქციის თავმჯდომარემ რომან გოცირიძემ განუცხადა.
ამრიგად კომისიის შემადგენლობაში მათი ფრაქცია არ იქნება და ამ თემაზე არც ირაკლი კობახიძესთან დაგეგმილ კონსულტაციებში აპირებენ მონაწილეობას.
„ჩვენ კომისიის მუშაობაში მონაწილეობას არ მივიღებთ. ღრმად ვართ დარწმუნებული, რომ ეს იქნება დროის სამთვიანი გაწელვა და ხელისუფლების ხრიკი, რომ ქვეყანაში შექმნილი კრიზისი გადააგოროს. ჩვენ ამას ხელს არ შევუწყობთ“, – განაცხადა რომან გოცირიძემ.