დასრულდა ხორავას ქუჩაზე .მოკლული მოზარდის, დავით სარალიძის ოჯახის წევრებს შეხვედრა პატრიარქთან.
ზაზა სარალიძემ ილია მეორესთან შეხვედრის დასრულების შემდეგ მედიასთან ვრცელი კომენტარი არ გააკეთა და აღნიშნა, რომ პატრიარქს მკვლელობის დეტალებზე ისაუბრეს.
„მეუღლე და ბავშვი მახლავს, ემოციებით ვართ გამოსულები. ისეთ თემაზე ვისაუბრეთ, რაც ჩემი შვილის მკვლელობას ეხება. არ მინდა ჩემმა მეუღლემ თავი ცუდად იგრძნოს. 6 თვეა ადამიანს ხმა არ ამოუღია“ – განუცხადა მან ჟურნალისტებს. მოგვიანებით კი უკვე პარლამენტის წინ დასძინა, რომ , აქციასთან დაკავშირებით ან სხვა საკითხებზე საპატრიარქოში გამართულ შეხვედრაზე საუბარი არ ყოფილა. მისი თქმით, მან პატრიარქს უამბო ყველა ის საკითხი დეტალურად, რასაც ნებისმიერ ადამიანს ეუბნება.
„ვიყავით შესული ლოცვა-კურთხევის ასაღებად. შეხვედრაზე ვიყავი ჩემს მეუღლესა და მეორე შვილთან ერთად. პატრიარქმა დაგვლოცა და გვითხრა, რომ ლოცვა გაგვაძლიერებს. კონკრეტული მეტი არაფერი“, – განაცხადა ზაზა სარალიძემ..