აზერბაიჯანში გუშინ მომხდარი ავარიისას დაშავებული გორელი და ხაშურელი ბავშვები სხვებთან ერთად კლინიკიდან გაწერეს

0
369
თბილისი-ბაქოს ავტომაგისტრალზე მომხდარი ავარიისას დაშავებულთაგან, აზერბაიჯანის ერთ-ერთი კლინიკა ყველა პაციენტმა დატოვა. ავტოსაგზაო შემთხვევის შედეგად, საავადმყოფოში ავტობუსის მძღოლი, ექსკურსიის გიდი და მგზავრები გადაიყვანეს, სულ 20-მდე ადამიანი, თუმცა, ამ დროისთვის ყველა მათგანის ჯანმრთელობის მდგომარეობა სტაბილურია. 
 
ტურის ხელმძღვანელის, გიორგი ბოკუჩავას თქმით, მძღოლს, რომელსაც სხეულის სხვადასხვა ხარისხის დაზიანება ჰქონდა მიღებული, აზერბაიჯანიდან საქართველოში დღეს გადმოიყვანენ. ჯგუფის წევრები კი, რომლებსაც ნაკაწრი დაზიანებები და მსუბუქი დაჟეჟილობები აღენიშნებოდათ, თავს კარგად გრძნობენ და ბაქოში ექსკურსიას აგრძელებენ.
 
ავარიის დროს, ავტობუსში 60 ადამიანი იმყოფებოდა, მათ შორის, გორის და ხაშურის სკოლების მე-12 კლასის კურსდამთავრებულები, მათი პედაგოგები და მშობლები.
 
თბილისი-ბაქოს გზაზე, აზერბაიჯანის დედაქალაქიდან 100 კილომეტრის დაშორებით, ორი სატვირთო მანქანა ერთმანეთს შეეჯახა, ავარიის დროს, ერთ-ერთმა სატვირთომ მიმართულება შეიცვალა და ამავე მაგისტრალზე მოძრავ ავტობუსს შეეჯახა.
 
ტურისტული კომპანიის კუთვნილი სხვა ავტობუსით, 60 კაციანი ჯგუფი საქართველოში ხვალ დაბრუნდება.
წინა სტატიასაოკუპაციო ხაზთან მოკლული გიგა ოთხოზორიას დედა ზაზა სარალიძეს სოლიდარობას უცხადებს
შემდეგი სტატიააფხაზები ნაურუში უვიზოდ იმოგზაურებენ
ტელეკომპანია ოდიშის საინფორმაციო სამსახური