ზაზა სალარიძის მხარდასაჭერ აქციაზე, რომლის ორგანიზატორები არასამთავრობო სექტორის წარმომადგენლები და ახალგაზრდები არიან, თენგიზ ჯგუშიას გამოჩენას ხმაური და დაპირისპირება მოყვა. პროკურატურასთან შეკრებილმა ახალგზარდებმა დააანონსეს, რომ ფეხით მსვლელობას გამართავდნენ და იუსტიციის სახლთან გააჟღერებდნენ თავიანთ მოთხოვნებს, სწორედ ამ დროს მიკროფონი მოითხოვა „სამეგრელოს ხმის“ ლიდერმა თენგიზ ჯგუშიამ, რასაც ახალგაზრდების მხრიდან წინააღმდეგობა მოყვა. ახალგაზრდები აცხადებენ, რომ ეს არის აპოლიტიკური აქცია და მასში პოლიტიკოსების გამოსვლებს არ დაუჭერენ მხარს. ახალგაზრდებმა ამის შემდეგ მსვლელობა მოაწყვეს იუსტიციის სახლისკენ, სადაც კიდევ ერთხელ გააჟრერეს მოთხოვნები, გაუშვეს ფერადი კვამლი და სკანდირებდნენ- „სისტემა უნდა დაინგრეს“. ს“სამეგრელოს ხმის“ლიდერმა აქაც მოითხოვა მიკროფონი, რასაც ისევ წინააღმდეგომა მოყვა. აქცია-მსვლელობა დაიშალა, თუმცა აქციის ორგანიზატორებმა მოუწოდეს აქციის მონაწილეებს, რომ აქცია ხვალაც გაიმართება და დრო და ადგილი სოციალური ქსელის საშუალებით დაანონსდება.