კიევის საოლქო ადმინისტრაციულმა სასამართლომ საქართველოს ყოფილი პრეზიდენტის მიხეილ სააკაშვილის უკრაინიდან პოლონეთში გაძევება კანონიერად სცნო. ამის შესახებ სასამართლოს პრესსამსახური იუწყება.
„კიევის საოლქო ადმინისტრაციულმა სასამართლომ განიხილა მიხეილ სააკაშვილის სარჩელი უკრაინის სახელმწიფო საიმიგრაციო სამსახურის, უკრაინის სახელმწიფო სასაზღვრო სამსახურის წინააღმდეგ და გადაწყვეტილება მიიღო არ დააკმაყოფილოს მიხეილ სააკაშვილის სარჩელით გათვალისწინებული მოთხოვნები“, – ნათქვამია კიევის საოლქო ადმინისტრატიული სასამართლოს განცხადებაში.
აღსანიშნავია, რომ მიხეილ სააკაშვილი გაძევების შესახებ გადაწყვეტილების არაკანონიერად ცნობასა და საიმიგრაციო სამსახურის გადაწყვეტილების გაუქმებას ითხოვდა.
სასამართლომ დაადგინა, რომ სააკაშვილი პოლონეთში გააძევეს, როგორც პირი, რომელიც უკანონოდ იმყოფებოდა უკრაინის ტერიტორიაზე და მისი გაძევება უკრაინასა და ევროკავშირს შორის რეადმისიის შესახებ შეთანხმების საფუძველზე მოხდა.