გუშინ ავსტრიაში, ვენაში ქართველმა ახალგაზრდებმა ჩაატარეს საპროტესტო აქცია ,,ნუ მომკლავ!''
აქციის მონაწილეებმა სოლიდარობა გამოუცხადეს თბილისში მთავრობის სასახლის წინ შეკრებილ თანამემამულეებს, რომლებიც აპროტესტებენ ხელისფლების ცინიზმსა და გულგრილობას შვილმოკლული ოჯახების სატკივარის მიმართ, ქვეყანაში გაბატონებულ განუკითხაობასა და საზოგადოების დაყოფას თავისიანებად და სხვისიანებად, რაც ამ შემთხვევაში გამოიხატა იმაშიც, რომ ხელისუფლება ღიად მფარველობს მასთან დაახლოებულ პირთა შვილებს და სრულ იგნორირებას უწევს სამართალსა და ადამიანებს, რომელნიც არ მიეკუთვნებიან ,,მაღალ, ელიტარულ'' ეშელონებს.
,,მერე რა, რომ 3 000 კილომეტრი გვაშორებს, ისევე და უფრო მეტადაც კი განვიცდით იმას, რასაც თქვენ განიცდით! '' აცხადებენ ვენიდან ახალგაზრდები.
საპროტესტო აქციის ორგანიზებაში ერთერთი წამყვანი როლი შეასრულა ცნობილმა ჯაზმომღერალმა თეონა მოსიამ
