ჯვარში სკოლის მოსწავლეებმა სოლიდარობის აქცია გამართეს და თბილისში, ხორავას ქუჩაზე მოკლული არასრულწლოვნის დავით სარალიძის მამას ზაზა სარალიძეს მხარდაჭერა გამოუცხადეს. მოსწავლეების თქმით, თავს დაუცველად გრძნობენ და არ უნდათ ისეთ საქართველოში ცხოვრება, სადაც უსამართლობა სუფევს და შვილმკვდარ მამას სამართალი ვერ უპოვია.
მათ ხელში ეჭირათ ტრანსპარანტები „ჩვენ დღეს დაუცველები ვართ“, „სოლიდარობა ზაზა სარალიძეს“
ფოტო: დიმა კვარაცხელია