ბავშვის მძევლად აყვანაში ბრალდებული აცხადებს, რომ საშინელებაა ის, რაც საჩივრის განცხადებაში წერია, მან დღეს ჟურნალისტებს განუცხადა, რომ ბრალის დამტკიცების შემთხვევაში თავს მოიკლავს.
„ეს ადამიანი სულ ჩემს სახლში ჭამდა, სვმდა, დედა, მამა, წყვილად. ჩემით იკვებებოდნენ. ამ ბავშვის ნათლია უნდა ვყოფილიყავი მე. დედაც ამბობს ამას. წარმოდგენა არ მაქვს.. ახლა რომ გავეცანი ბრალდებას, ეს არის შოკი. ეს თუ დამტკიცდა, აუცილებლად თავს მოვიკლავ. იმიტომ, რომ არ შეიძლება ამის შემდეგ იცხოვროს ადამიანმა. მთელ სამეზობლოს გამოკითხეთ, ემა კვირტია და ვასო ახალაია როგორი ადამიანები არიან, როგორ ცხოვრობენ, რა პრინციპებით ვცხოვრობთ და როგორ ვარსებობთ საერთოდ“, -ემა კვირტიამ, რომელიც სასამართლომ გუშინ გაათავისუფლა, ხოლო მისი მეუღლე ვასო ახალაია პატიმრობაში დატოვა, მისი სასამართლო პროცესი დღეს გაიმართება.