გამოძიების ეტაპზე დაზიანებულია მტკიცებულები, დანგრეულია ავტოფარეხი, სადაც მოხდა მკვლელობა – საერთაშორისო ექსპერტიზაზე საუბარი შოთაძის მხრიდან მხოლოდ დროის წაღების მცდელობაა

0
365
რომელ საერთაშორისო ექსპერტიზაზეა საუბარი, როდესაც გამოძიების ეტაპზე პროკურატურამ მტკიცებულებები გაანადგურა, – ამის შესახებ ზაზა სარალიძემ პროკურატურასთან მიმდინარე აქციაზე მთავარი პროკურორის ირაკლი შოთაძის განცხადებაზე საპასუხოდ აღნიშნა. 
 
ზაზა სარალიძის თქმით, გამოძიების ეტაპზე დაზიანებულია როგორც მტკიცებულები, ასევე დანგრეულია ის ავტოფარეხი, სადაც მოხდა მკვლელობა. სარალიძის თქმით, პროკურატურამ კარგად იცის თუ ვინ არის რეალურად დამნაშავე, შესაბამისად, საჭიროა დაუყოვნებლივ მოხდეს როგორც მკვლელობაში მონაწილე პირების, ასევე დანაშაულის დამფარავი პირების დასჯაც. 
 
„არავითარი ექსპერტიზა, მათ ძალიან კარგად იციან ვინ არის დამნაშავე და საჭიროა დაისაჯონ დამნაშავეები, ასევე პასუხი აგოს ირაკლი შოთაძემ“, – განაცხადა ზაზა სარალიძემ. 
 
"დადასტურებული ინფორმაცია მაქვს, რომ ექსპერტიზის მასალა რეალურად არ არსებობს, კანის ანათალები დამარილებულ მდგომარეობაში დაახვედრეს უცხოელ ექსპერტებს, ისევე როგორც სისხლის ნიმუშები გამოუსადეგარია ექსპერტიზისთვის. საექსპერტო მასალა შემდგომი ექსპერტიზისთვის გამოუსადეგარია, “- ეს განცხადება გაზეთ „ქრონიკა პლუსის“ მთავარმა რედაქტორმა გააკეთა. ის პროკურატურასთან მივიდა, სადაც ხორავას ქუჩაზე მოკლული დავით სარალიძის ოჯახს მხარდაჭერას უცხადებენ.
 
ელისო კილაძე ირაკლი შოთაძის განცხადებასაც გამოეხმაურა და აღნიშნა, რომ მთავრი პროკურორის ბრიფინგი იყო სრული ცინიზმი. ის მთავრობის გადადგომას ითხოვს.
 
„დადგა დრო, რომ მთავრობა გადადგეს, იმიტომ, რომ ქვეყანა თავზე დაგვაქციეს,“- განაცხადა ელისო კილაძემ.

 
შეგახსენებთ, საქართველოს მთავარმა პროკურორმა, ირაკლი შოთაძემ დღეს გამართულ ბრიფინგზე განაცხადა, ყველა ის ექსპერტიზა, რომელიც ხორავას ქუჩაზე მომხდარის საქმეზე ჩატარებულია სამხარაულის ექსპერტიზის ბიუროს მიერ, ჩატარდება ასევე შვეიცარიის საექსპერტო ბიუროში. 
წინა სტატიახელისუფლება, რომელიც ხელს აფარებს მკვლელებს, კრახის ზღვარზეა – საქართველო ფეხზე დადგა
შემდეგი სტატია“საერთაშორისო გამჭვირვალობა-საქართველო” მთავარი პროკურორის გადადგომას ითხოვს
ტელეკომპანია ოდიშის საინფორმაციო სამსახური