ზუგდიდში არასრულწლოვანის მძევლად აყვანისათვის დაკავებული ემა კვირტია პროკურატურამ გაათავისუფლა.ადვოკატის თქმით, პროკურატურამ გაითვალისწინა, რომ დაკავებულებს ორი შვილი ჰყავთ.
ცოლ-ქმარს ბრალი საქართველოს სისხლის სამართლის კოდექსის 144-ე მუხლის 2-ე ნაწილის ა და ზ ქვეპუნქტებით აქვთ წარდგენილი, რაც ჯგუფის მიერ არასრულწლოვანის მძევლად აყვანის მიზნით ხელში ჩაგდებას ნიშნავს.
დაკავეულები წარდგენილ ბრალდებაში თავს უდანაშაულოდ მიიჩნევენ. ადვოკატი ამბობს, რომ ამ ოჯახებს კარგი ურთიერთობა ჰქონდათ ერთმანეთთან, შესაბამისად ბავშვი ხშირად იყო ბრალდებულების ოჯახში და მათ არანაირი მიზეზი არ ჰქონდათ, ბავშვი მძევლად აეყვანათ.
გუშინ გავრცელდა ინფორმაცია, რომ ზუგდიდში, მოქალაქეებმა ვასიკო ახალაიამ და ემა კვირტიამ ქალის შვილი, რომელსაც მათი ვალი ჰქონდა სახლიდან წაიყვანეს და დედას განუცხადეს, რომ სანამ ვალს არ დააბრუნებდა შვილს არ ანახებდნენ.
ვასიკო ახალაია და ემა კვირტია სასამართლოს განჩინების საფუძველზე დააკავეს.