ბავშვის მძევლად აყვანის ბრალდებით დაკავებულ ცოლ-ქმარს ბრალი ოფიციალურად წარედგინა

0
441
ბავშვის მძევლად აყვანის ბრალდებით დაკავებულ ცოლ-ქმარს ბრალი ოფიციალურად წარედგინა.დაკავებულები ბრალს არ აღიარებენ. 
"საქმის მასალებს გადმოგვცემენ პოლიციაში და გამოკითხვებსაც გავეცნობით შესაბამისად. ამ ეტაპისთვის ბრალდებულებმა დააფიქსირეს თავიანთი პოზიცია და თავს დამნაშავედ არ მიიჩნევენ" , – აღნიშნა ბაჩუკი ყურაშვილმა.
 
აღკვეთის ღონისძიების შეფარდების შესახებ ზუგდიდის რაიონული სასამართლო ხვალ იმსჯელებს. ახალგაზრდა ცოლ-ქმარი ზუგდიდში გუშინ საღამოს, საკუთარ საცხოვრებელ სახლში დააკავეს. მათ არასრულწლოვანი გოგონას მძევლად აყვანას ედავებიან. გავრცელებული ინფორმაციით, ბრალდებულებმა გოგონა ვალის სანაცვლოდ წაიყვანეს. თუმცა ამ მიზეზს მეზობლები კატეგორიულად უარყოფენ. მათი ინფორმაციით, ე.კ-მ და ვ.ა- მ ბავშვი რამდენიმე დღის წინ თათარიშვილის ქუჩაზე არსებული დევნილთა ჩასახლებიდან წამოიყვანეს, თუმცა არა მძევლად აყვანის მოტივით.
შს სამინისტროს ინფორმაციით, ცოლ-ქმარს ბრალად მძევლად ხელში ჩაგდება (სს კოდექსის 144-ე მუხლის მეორე ნაწილი) ედებათ. აღნიშნული ქმედება 9-დან 14-წლამდე თავისუფლების აღკვეთას ითვალისწინებს.
წინა სტატიასანდრა რულოვსის, ფონდი soco-ს და ალექსანდრე ქობალიას საჩუქრები სოციალურად დაუცველ მრავალშვილიან ოჯახებს [Video]
შემდეგი სტატიანიკოლ პაშინიანი საქართველოში პირველი ვიზიტით იმყოფება
ტელეკომპანია ოდიშის საინფორმაციო სამსახური