ზუგდიდში მდინარე ჩხოუშზე თევზაობისას მამაკაცი დაიღუპა. როგორც ადგილობრივები ამბობენ, უბედური შემთხვევა სავარაუდოდ თევზსაჭერი ელექტრომოწყობილობის გამოყენებამ გამოიწვია.
მომხდართან დაკავშირებით შინაგან საქმეთა სამინისტრომ გამოძიება საქართველოს სისხლის სამართლის კოდექსის 116-ე მუხლით დაიწყო, რაც სიცოცხლის გაუფრთხილებლობით მოსპობას გულისხმობს.
ცხედარს სასამართლო-სამედიცინო ექსპერტიზა უკვე ჩაუტარდა.