ზუგდიდის მერი, ლაშა გოგია ბიზნესმენებს და კომპანიებს მიმართავს, რომ სამაუწყებლო კომპანია „რუსთავი 2“-ში რეკლამა არ განათავსონ.
თანამდებობის პირი, ადრესატებს საპატრიარქოს განცხადების გათვალისწინებისკენ მოუწოდებს.
„თხოვნით მივმართავ ბიზნესმენებს, კომპანიის დამფუძვნებლებსა და მენეჯმენტს: გთხოვთ გაითვალისწინოთ 24 მაისის საპატრიარქოს განცხადება და არ განათავსოთ თქვენი კომპანიის რეკლამა რ2-ის ეთერში. რ2 ემსახურება რელიგიური სიწმინდეების შეურაცხყოფას. მეგობრებო ვინც ეთანხმებით ჩემს ინიციატივას, გთხოვთ მოიწონოთ და გააზიაროთ თქვენს გვერდზე!“- წერს ლაშა გოგია