თბილისში, ვარკეთილის მესამე მასივში საცხოვრებელი კორპუსის ნაწილი ჩამოინგრა. შემთხვევა ცოტა ხნის წინ მოხდა. ადგილზე მობილიზებულია საპატრულო პოლიცია და სამაშველო სამსახური. მაშველებს მოქალაქეები ტერიტორიიდან გაჰყავთ. შემთხვევის შედეგად არავინ დაშავებულა.
არსებული ინფორმაციით, 4 სართულიანი კორპუსი ავარიულია და სამგორის გამგეობამ მცხოვრებლები დროებით საცხოვრებელში რამდენიმე თვის წინ გადაიყვანა, თუმცა მათი ნაწილი საცხოვრებელ კორპუსში თვითნებურად დაბრუნდა.
ადგილზე იმყოფება სამგორის გამგებელიც.