ხაიშელებმა სამ ივნისს დაანონსეს დიდი საპროტესტო აქცია , რომელშიც მონაწილეობას ზემო და ქვემო სვანეთის მოსახლეობასთან ერთად, საქართველოს სხვა კუთხიდან ჩამოსულებიც მიიღებენ.
გუშინ გამართულ აქციაზე შეკრებილმა დაახლოებით 150 ადამიანმა კიდევ ერთხელ გაახმოვანა აადგილობრივი მოსახლეობის სამი მთავარი მოთხოვნა: აიკრძალოს მიმდებარე ტერიტორიაზე ჰიდროელექტრო სადგურების მშენებლობა, ტურიზმის განვითარების მიზნით, ადგილობრივ მოსახლეობას საკუთრებაში გადაეცეს თემში არსებული მიწის ნაკვეთები და მოხდეს ხაიშის ცენტრის ინფრასტრუქტურის განვითარება.
ეს მოთხოვნები უკვე წლებია ადგილობრივ მოსახლეობას აქვს, მაგრამ არც ცენტრალური და არც ადგილობრივი ხელისუფლება მათზე არ რეაგიორებს.
„სამში დაგეგმილია მასშტაბური აქცია, თუ არ იქნება თუ არ აიკრძალება დიდი ჰესების მშენებლობა, თუ არ იქნება მოსახლეობისთვის რეგისტრირებული მიწები, თუ მკვიდრი მოსახლეობის სტატუსი არ მიენიჭება და სხვა მოთხოვნები არ შესრულდება, სამი ივნისიდან აქ დაიწყება უკვე პერმანენტული აქციები, რომელმაც შეიძლება ძალიან მწვავე ხასიათი მიიღოს,“ – განაცხადა არასამთავრობო ორგანიზაცია ”დემოკრატიის ინსტიტუტის” ხელმძღვანელმა ლაშა ჩხარტიშვილმა.