ე.წ. საზღვრის უკანონო გადაკვეთის ბრალდებით, გალში საქართველოს მოქალაქე დააკავეს

0
302
ე.წ. საზღვრის უკანონო გადაკვეთის ბრალდებით, ოკუპირებულ ტერიტორიაზე ე.წ. მესაზღვრეებმა საქართველოს მოქალაქე, ქუთაისში მცხოვრები ალექსანდრე ნაცვლიშვილი დააკავეს. ამის შესახებ ინფორმაციას აფხაზეთის დე ფაქტო შინაგან საქმეთა სამინისტრო ავრცელებს.
 
მათივე ინფორმაციით, ნაცვლიშვილი გალის რაიონის სოფელში, მდინარე ენგურზე „ფედერალური უსაფრთხოების სამსახურის სასაზღვრო დაცვის თანამშრომლებმა“ მაშინ დააკავეს, როცა საზღვრის გადაკვეთას ცდილობდა.
 
ფაქტზე აღძრულია სისხლის სამართლის საქმე. დაკავებული წინასწარი დაკავების იზოლატორშია გადაყვანილი.
 
აღნიშნულთან დაკავშირებით ინფორმაციას საქართველოს სახელმწიფო უსაფრთხოების სამასახურში ადასტურებენ. უწყების ცნობით, ამოქმედებულია „ცხელი ხაზი“ და ევროკავშირის სადამკვირვებო მისიის წარმომადგენლები ინფორმირებული არიან.
წინა სტატიათელავში ახალგაზრდა მამაკაცი დაჭრეს
შემდეგი სტატიამე არ მინდა მომკლან!!!!- ინგა გრიგოლიას ემუქრებიან
ტელეკომპანია ოდიშის საინფორმაციო სამსახური