დღეს და ხვალ ქვეყნის უმეტეს რაიონებში წვიმა, აღმოსავლეთ საქართველოში კი ზოგან სეტყვაა მოსალოდნელი.
გარემოს ეროვნული სააგენტოს ჰიდრომეტეოროლოგიური პროგნოზების სამსახურის უფროსის სვეტლანა ნიორაძის ცნობით, იწვიმებს ძირითადად საღამოსა და ღამის საათებში , ჰაერის ტემპერატურა დღისით 25–30 გრადუსის ფარგლებში იქნება.
21 მაისს, საქართველოს უმეტეს რაიონებში პერიოდული წვიმა ელჭექით მოსალოდნელია დღისითაც. აღმოსავლეთ საქართველოს ზოგიერთ რაიონში კი შესაძლებელია სეტყვა. შედეგად, დღისით ჰაერის ტემპერატურა რამდენიმე გრადუსით დაიკლებს და 24–26 გრადუსის ფარგლებში იქნება.
ზუგდიდში დღეს, ნაშუადღევიდან მოღრუბლულობაა მოსალოდნელი, ხვალიდან გაწვიმდება. პერიოდული წვიმა სამ დღეს გასტანს. 23 მაისისთვის წვიმიანობა შეწყდება, მაგრამ მოღრუბლულობა შენარჩუნდება .