ისრაელში საქართველოს საელჩოს ინფორმაციით, ისრაელის ქალაქ ხოლონში დაღუპული საქართველოს მოქალაქის ოჯახთან კონტაქტზე იმყოფებიან.
„ვადასტურებთ, რომ დაღუპული არის საქართველოს მოქალაქე. საელჩო კონტაქტზეა ოჯახთან და მიმდინარეობს შესაბამისი პროცედურები“, – აცხადებენ საელჩოში.
შეგახსენებთ, ისრაელის ქალაქ ხოლონში, ერთ-ერთი ქარხნის 30 წლის თანამშრომელი, საქართველოს მოქალაქე გუშინ ხორცის საკეპ მანქანაში ჩავარდა.
ისრაელში მცხოვრებმა ქართველმა განუცხადა, მამაკაცს ხორცსაკეპში ხელი ჩაჰყვა და შემდეგ მთლიანად ჩაითრია.
მიმდინარეობს ინციდენტის გამოძიება.