უკრაინის საკასაციო ადმინისტრაციულმა სასამართლომ, რომელიც უკრაინის პრეზიდენტის პეტრო პოროშენკოს წინააღმდეგ მიხეილ სააკაშვილის სარჩელს განიხილავს, სააკაშვილის ხელწერის ექსპერტიზა დანიშნა და საქმეში უვადო შესვენება გამოაცხადა. ამის შესახებ „ტასს“ სააკაშვილის ადვოკატმა პაველ ბოგომაზოვმა განუცხადა.
„დღეს სასამართლომ მიხეილ სააკაშვილის ხელწერის ექსპერტიზა დანიშნა, რისთვისაც საიმიგრაციო სამსახურს და ოდესის ოლქის ადმინისტრაციას მის მიერ ხელმოწერილი დოკუმენტების ორიგინალების მისაღებად მიმართა“, – განაცხადა ბოგომაზოვმა.
მისივე თქმით, სახელმწიფო ორგანოებმა სასამართლოს დოკუმენტები 10 დღის ვადაში უნდა წარუდგინონ, რის შემდეგაც ორ კვირაში სასამართლომ სხდომის ახალი თარიღი უნდა დანიშნოს“, – აღნიშნა ბოგომაზოვმა.
შეგახსენებთ, რომ მიხეილ სააკაშვილი მისთვის უკრაინის მოქალაქეობის ჩამორთმევის შესახებ პეტრო პოროშენკოს ბრძანების უკანონოდ ცნობას ითხოვს.