რა უფრო ანგრევს ქართულ ოჯახებს, ლგბტ პირთა ერთი მცირე ჯგუფი, რომელიც ,,კუდიანებზე ნადირობის” მსხვერპლად არის ქცეული, თუ ხელისუფლების უსუსრი ეკონომიკური პოლიტიკა, რომელიც საფუძველს აცლის ოჯახს?

0
433
საარსებო მინიმუმის ძიებაში გათიშული ოჯახები, ბავშვები, რომლებიც იძულებით ემიგრირებული დედების გარეშე იზრდებიან, მამაკაცები, რომელთაც უმუშევრობის გამო ხელ-ფეხი აქვთ შეკრული და  ვერაფერს აკეთებენ  ოჯახის მარჩენალის ფუნქციის შესრულებისთვის… ასეთია სავალალო სურათი, რომელიც დღეს ქუჩებში ოჯახის სიწმინდისა და სიმტკიცის  დაცვის ლოზუნგით მიმდინარე მსვლელობის მიღმა დგას, თუმცა აქცენტები ოჯახის სიმტკიცის მტრის ძიებაში  რატომღაც მთლიანად ლგტბ- პირებზეა გადასული და სახელმწიფო,ხელისუფლება ხელდაბანილი გამოიყურება .
 
რა უფრო ანგრევს ქართულ ოჯახებს, ლგბტ პირთა ერთი მცირე ჯგუფი, რომელიც  ,,კუდიანებზე ნადირობის'' მსხვერპლად არის ქცეული, თუ ხელისუფლების უსუსრი ეკონომიკური პოლიტიკა, რომელიც  საფუძველს აცლის ოჯახს?
რას ამბობს სტატისტიკა, რომელსაც საქ სტატი აქვეყნებს?.
 
2018 წლის მარტის მონაცემებით, ბოლო ერთ წელიწადში საარსებო მინიმუმი შრომისუნარიანი მამაკაცისთვის 176.9 ლარს, საშუალო მომხმარებლისთვის 156.7 ლარს, საშუალო ოჯახისთვის კი 296 ლარს შეადგენს.  ეს ნიშნავს, რომ წინა წელთან შედარებით შრომისუნარიანი მამაკაცის საარსებო მინიმუმი 7.2 ლარით (4.24%), საშუალო მომხმარებლის საარსებო მინიმუმი 6.4 ლარით (4.26%), ხოლო საშუალო ოჯახის საარსებო მინიმუმი 12 ლარით (4.23%) გაიზარდა.
 
საარსებო მინიმუმის ზრდას, ძირითადად, ინფლაციის დონის ზრდა განაპირობებს. 2017 წელს ინფლაციის დონე 6.7% იყო, რაც მიზნობრივ მაჩვენებელს 2.7 პროცენტული პუნქტით აღემატებოდა. 2018 წელს ინფლაციის დონე, ჯერჯერობით, მიზნობრივი მაჩვენებლის ფარგლებშია.
 
საარსებო მინიმუმი თვეში შემოსავლების იმ მინიმალურ ოდენობას აჩვენებს, რომელიც აუცილებელია სიცოცხლისა და შრომისუნარიანობისთვის. საარსებო მინიმუმი, მინიმალური სასურსათო კალათის საფუძველზე დგინდება. საარსებო მინიმუმში სასურსათო ხარჯების წილი 70%-ია, არასასურსათო ხარჯების (ჯანდაცვა, განათლება, კომუნალურები, ტრანსპორტი და ა.შ.) წილი კი 30%-ია. აღსანიშნავია, რომ როგორც ეკონომისტების დიდი ნაწილი მიიჩნევს, საარსებო მინიმუმის გაანგარიშების მეთოდოლოგია გადასახედია და რეალურად ის გაცილებით მაღალია.
 
მიუხედავად იმისა, რამდენად რეალურია არსებული საარსებო მინიმუმი (თვეში დაახლოებით 177 ლარი შრომისუნარიანი მამაკაცისთვის), საარსებო მინიმუმის ზრდა ცხოვრების გაძვირებაზე მიუთითებს.
 
ლგბტ პირების დევნა ამ სურათს ვერ შეცვლის – თუ ფიქრობენ ამაზე კუნთებზე მომზირალი ,,ქართველი ვჟკაცები"'  და როდემდე  დარჩებიან ,,დაბოლილები'' სახელმწიფოსგან, რომელსაც ძალიანაც აწყობს აქცენტების ამგვარი გადაადგილება.  
 
 
 
წინა სტატიარა უფრო ანგრევს ქართულ ოჯახებს, ლგბტ პირთა ერთი მცირე ჯგუფი, რომელიც ,,კუდიანებზე ნადირობის” მსხვერპლად არის ქცეული, თუ ხელისუფლების უსუსრი ეკონომიკური პოლიტიკა, რომელიც საფუძველს აცლის ოჯახს?
შემდეგი სტატიადღეს ქუთაისის აეროპორტში ოპერირება Wizz air-ის მეორე ბაზირებულმა თანამედროვე საჰაერო ხომალდმა დაიწყო
ტელეკომპანია ოდიშის საინფორმაციო სამსახური