მიუხედავად იმისა, რომ საარჩევნო კოდექსით უბნებზე სააგიტაციო მასალების განთავსება არ იკრძალება, „საქართველოს ახალგაზრდა იურისტთა ასოციაცია“ პარტიებს მსგავსი ტიპის ქმედებისგან თავშეკავებისკენ მოუწოდებს.
" სამივე საარჩევნო უბანზე მონიტორები გაჩნდა, სადაც ერთ-ერთი პოლიტიკური პარტიის სააგიტაციო ვიდეორგოლი გადის. შემდეგ მეორე პოლიტიკურმა პარტიამ ჭიშკართან დროშები დაამაგრა. კარგი იქნება, თუ მსგავსი ქმედებებსგან თავს შეიკავებენ პოლიტიკური პარტიები, წინააღმდეგ შემთხვევაში ჩვენ შემდეგ არჩევნებზე მივიღებთ ბევრ ტელევიზორსს და სხვადასხვა სააგიტაციო მასალას“,- განუცხადა საიას ზუგდიდის ოფისის ხელმძღვანელმა ჯანო ჭკადუამ ჟურნალისტებს. ჭკადუა მოუწოდებს ცესკოს მიიღოს გარკვეული ზომები.
ცაიშის შუალედურ არჩევნებში პარტიებმა სხვადასხვა სააგიტაციო მასალა გამოიყენეს. „ევროპული საქართველოს“ მიერ განთავსებულ ეკრანზე პარტიის მაჟორიტარი კანდიდატის ნომერი ფიგურირებს. ასევე უბნებზე გამოფენილია „ქართული ოცნების“ დროშები და სიმბოლიკები – „41“ და „ქართული ოცნება“.