„ევროპული საქართველოს“ ერთ-ერთი ლიდერის გიგი უგულავას განცხადებას ადმინისტრაციულ რესურსის გამოყენებასთან დაკავშირებით ზუგდიდის მერმა ლაშა გოგიამ აბსურდული უწოდა. მან მედიასთან კიმენტარი არ გააკეთა, თუმცა აღნიშნა, რომ უგულავას „ნაბოდვარზე“ კომენტარს არ გააკეთებდა.“მეტი საქმე არ მაქვს ახლა უგულავას ნაბოდვარზე კომენტარი გავაკეთო, წავიდეს და ცივი წყალი დალიოს უგულავამ“- თქვა ლაშა გოგია.
დღეს ცაიშში შუალედური არჩევნები იმართება. დილიდან 74-ე საარჩევნო უბნის გარეთა პერიმეტრზე საჯარო მოხელეები და ოპოზიციური პარტიის წარმომადგენლები იმყოფებიან.ცაიშის მაჟორიტარი დეპუტატობისთვის სამი კანდიდატი იბრძვის. ესენია: გოდერძი კუკავა – "ბაქრაძე-უგულავა – ევროპული საქართველო", ბაჩუკი ნარუშვილი – "თავისუფალი საქართველო" და თენგიზ ალმასია – "ქართული ოცნება-დემოკრატიული საქართველო".