საარჩევნო პროცესს სოფელ ცაიშში უმრავლესობის წევრი და „ქართული ოცნების“ ერთ-ერთი ლიდერი არჩილ თალაკვაძე აკვირდება.მისი შეფასებით არჩევნები ექსესების გარეშე მიმდინარეობს.
"როგორც იცით პილოტირება მიმდინარეობს ელექტრონული ხმისმთვლელის. საკმაოდ არიან დამკვირვებლებიც… მედია მუშაობს დილიდან და ვფიქრობ, რომ არჩევნები ასეთივე მშვიდ ვითარებაში დასრულდება", – განაცხადა არჩილ თალაკვაძემ.
ზუგდიდის მუნიციპალიტეტის #67.27 ცაიშის თემის ადგილობრივ მაჟორიტარულ ოლქში საკრებულოს შუალედური არჩევნები მიმდინარეობს. ცაიშის თემის სამი უბნის ამომრჩევლები დღეს საკრებულოს მაჟორიტარ დეპუტატს აირჩევენ.