წუხელ თბილისში, ერთ-ერთ საცხოვრებელ სახლში ხანძარი გაჩნდა. არის მსხვერპლი

0
453
წუხელ, გვიან ღამით დიდუბეში, გევენეტაძის ქუჩაზე მდებარე 5 სართულიან საცხოვრებელი სახლის პირველ სართულზე ხანძარი გაჩნდა.
 
ბინაში ამ დროს 5 ადამიანი იმყოფებოდა, მათ შორის  ერთი მწოლიარე, რომლის გამოყვანა ვერ მოხერხდა. გარდაცვლილი 65 წლის მამაკაცია. დანარჩენი ოთხი გადარჩა, თუმცა ერთი დაშავებულის მდგომარეობა მძიმეა. დამწვრობის ცენტრში  მოთავსებულია ორი ქალი და მცირეწლოვანმა ბავშვი, რომელთაც. კვამლით ინტოქსიკაცია  აქვთ მიღებული.  დაშავებულები საავადმყოფოებში არიან გადაყვანილი.  
 
საგანგებო სიტუაციების მართვის სამსახურის ინფორმაციით, სადარბაზოში ძლიერი დაკვამლიანების გამო კორპუსში მცხოვრებთა ევაკუაცია განხორციელდა. თუმცა დაახლოებით ერთ საათში მოსახლეობა სახლებში დააბრუნეს.
ხანძრის შედეგად დაიწვა 60-70 კვ.მ ფართობი. სალიკვიდაციო სამუშაოებში 10 სახანძრო-სამაშველო ბრიგადა იყო ჩართული. 

 
შემთხვევის ადგილზე გვიანობამდე მუშაობდნენ ექსპერტკრიმინალისტები. ხანძრის გაჩენის ზუსტ მიზეზს გამოძიება დაადგენს.
წინა სტატიაგადაცემა ,,თეზისი”. სტუმარი ისტორიკოსი ციცო შენგელაია. ვსაუბრობთ ზუგდიდის ბოტანიკურ ბაღში არსებულ ისტორიულ ,,ქვატახტზე
შემდეგი სტატიასტიქიამ გავაზში ვენახებისა და ხეხილის 80 პროცენტი გაანადგურა. სეტყვის საწინააღმდეგო დანადგარი დაგვიანებით და ისიც უშედეგოდ ამუშავდა
ტელეკომპანია ოდიშის საინფორმაციო სამსახური