როდის არის კვირიკაშვილი გულწრფელი და როდის დასრულდება ყუფარიობა და ეძგვერაძეობა ჩვენს ხელისუფლებაში?

0
393
საქართველოსა და სომხეთის რესპუბლიკის პრემიერ-მინისტრებს შორის, სატელეფონო საუბარი შედგა. 
 
საქართველოს მთავრობის ადმინისტრაციის ცნობით, ეს სომხური მხარის ინიციატივით მოხდა.
 
საქართველოს პრემიერ-მინისტრმა გიორგი კვირიკაშვილმა ნიკოლ ფაშინიანს სომხეთის რესპუბლიკის პრემიერ-მინისტრად არჩევა მიულოცა. მხარებმა ყურადღება გაამახვილეს ორ ქვეყანას შორის არსებული ტრადიციული კეთილმეზობლური ურთიერთობების კიდევ უფრო განვითარებაზე. 
 
სომხეთის პრემიერ-მინისტრის განცხადებით, საქართველოსა და სომხეთის თანამშრომლობა გეოპოლიტიკური ფაქტორებისგან დამოუკიდებლად უნდა განვითარდეს. მისივე თქმით, მნიშვნელოვანია, ორმხრივი ეკონომიკური თანამშრომლობა შეესაბამებოდეს ორ ქვეყანას შორის არსებულ განსაკუთრებულ კავშირებს. 
 
გიორგი კვირიკაშვილმა კიდევ ერთხელ დაადასტურა მზადყოფნა, სომხეთთან ურთიერთობების შემდგომი განვითარებისთვის და ნიკოლ ფაშინიანი საქართველოში მოიწვია.  
 
დიპლომატიას თავისი კანონები აქვს, მაგრამ სავსებით ლეგიტიმურია  საზოგადოებაში გაჩენილი კითხვები გიორგი კვირიკაშვილის ნაჩქარევ ,,გულწრფელ'' მილოცვასთან დაკავშირებით  ფაშინიანის წინამორბედისადმი კრიტიკულ მომენტში, როცა თავად სომეხი ხალხი არ ცნობდა მას და ქუჩაში იყო გამოსული,  და დღვანდელ , ასევე ,,გულწრფელ''  მილოცვასთან ახლა უკვე ფაშინიანისადმი. შესაბამისად, ლეგიტიმურია კითხვებიც  სოციალურ ქსელში იმის შესახებ,  თუ როდის არის კვირიკაშვილი  გულწრფელი და, საერთოდ, როდის დასრულდება ყუფარიობა და ეძგვერაძეობა  ჩვენს ხელისუფლებაში? 
წინა სტატიასპეცოპერაცია თბილისის ცენტრში – დაკავებულ ბიზნესმენსა და მის მეგობარს გამოძიება თანხის ჯგუფურად გამოძალვას ედავება
შემდეგი სტატიაპრეზიდენტს უშედეგო ვეტოები მობეზრდა – ხელი მოაწერა პარლამენტის მიერ პარტიათა დაფინანსების წესში განხორციელებულ ცვლილებებს, რომელზეც ოპოზიცია ვეტოს დადებას ითხოვდა
ტელეკომპანია ოდიშის საინფორმაციო სამსახური