ბიძინა ივანიშვილის დენდროპარკში გადასარგავად კიდევ ერთი ზუგდიდის მუნიციპალიტეტის სოფელ დარჩელიდან ანაკლიაში გადაიტანეს. ევკალიპტისა და იშვიათი ჯიშის კატალპის ტრანსპორტირებისას პრობლემები შეიქმნა, 12 სოფელს ელ.ენერგია გაეთიშა, დაზიანდა საგზაო ნიშნები და გზის საფარმა ჩაიწია. მთელი ღამის განმავლბაში პარალიზებული იყო მოძრაობა ანაკლია-ზუგდიდის ცენტრალურ გზაზე.დიდი ზომის ხე დარჩელში, სპეციალურად გაკეთებულ ხიდე ვერ გაეტია და გადასასვლეი დაზიანდა, ასევე დაზიანდა სოფლის ერთ-ერთი მცხოვრების საკარმიდამო მიწის ნაკვეთის ღობე. დაიმტვრა ხის ტოტები, წაიქცა გარეგანათების ბოძები. ადგილობრივების ინფორმაციით, ელ.ენერგიის გამორთვა და ინფრასტრუქტურის განადგურება უკვე ჩვეულებად იქცა, რადგან მათი თქმით, ყოველ მეორე დღეს ასე ხდება და გამკითხავი არავინაა.
ბიძინა ივანიშვილს ზუგდიდიდან რამდენიმე ხე მიაქვს, რომელთაც სპეციალურ ბორანზე მოათავსებენ და შეკვეთილში ზღვით გადაიტანენ. ხის ტრანსპორტირების პროცესში ასობით ადამიანია ჩართული.თითოეული ხის გადატანას რამდენიმე კვირა და საკმაოდ დიდი თანხები ჭირდება. ივანიშვილის ახირებული სურვილების დაკმაყოფილებას გარემო, ინფრასტრუქტურა და ადგილობრივების ინტერესები ეწირება.