მოძრაობა „სამეგრელოს ხმის“ ლიდერი თენგიზ ჯგუშია კომპანია „თაუნ-პარკის“ ლობირებაში სამეგრელო-ზემო სვანეთის გუბერნატორს ადანაშაულებს.
ჯგუშიამ დღეს, გეგეჭკორის ქუჩაზე მანქანებზე წარწერები გააკრა: „ არ გადაუხადოთ 2 ლარი შონია-შენგელიას“. „სამეგრელოს ხმის“ ლიდერმა ბაზრიდან გუბერნიისკენ გადაინაცვალა და განცხადება იქაც გააკეთა. მან ჟურნალისტებთან აღნიშნა, რომ კორუფციულ გარიგებებს შონია-შენგელია ლობირებს.
,, თენგიზ ჯგუშიას ბრალდებები ყოველგვარ სიმართლეს მოკლებულია. მას მსგავსი არასერიოზული განცხადებები არაერთხელ გაუვრცელებია, რაზეც საზოგადოებამ კარგად იცის. რაც შეეხება "თაუნ პარკს", მისი მფლობელების შესახებ ინფორმაცია საჯაროა და მათთან პირადი ან ირიბი კავშირი გუბერნატოს არასდროს ქონია. თენგიზ ჯგუშიას ქმედებები მხოლოდ მისი პოლიტიკური ინტერესებიდან გამომდინარეობს და გუბერნატორის საქმიანი იმიჯის შელახვას ისახავს მიზნად.'' – აცხადებენ სამეგრელო ზემო სვანეთის გუბერნატორის ადმინისტრაციაში .