საპრეზიდენტო კანდიდატი ,,ქართული ოცნებიდან'' , როგორ ჩანს, ამჯერად მეტი ყურადღებით შეირჩევა და მთავარი კრიტერიუმი იქნება, გამოვა ის პრეზიდენტის რეზიდენციიდან თუ გიორგი მარგველაშვილივით ,,გადააგდებს'' მას, ვისაც ამ შენობაზე უჭირავს თვალი.
საქართველოს ჯანდაცვის მინისტრი დავით სერგეენკო მიიჩნევს, რომ პრეზიდენტს მაქსიმალურად მოკრძალებული რეზიდენცია უნდა ჰქონდეს. როგორც სერგეენკომ ჟურნალისტებს განუცხადა, ამ პოზიციას იზიარებს თანამდებობის სხვა პირებთან მიმართებაშიც.
"ჩემი ღრმა რწმენაა, რომ მაქსიმალურად მოკრძალებული რეზიდენცია და პრივილეგიები უნდა ჰქონდეს პრეზიდენტს, პრემიერს, მინისტრს თუ ვინმე სხვას",- განაცხადა სერგეენკომ.
რაც შეეხება საპრეზიდენტო კანდიდატს, სერგეენკოს თქმით, ამ საკითხზე გუნდში კონსულტაციები აუცილებლად იქნება.
"კონსულტაციები რა თქმა უნდა იქნება გუნდში საპრეზიდენტო კანდიდატთან დაკავშირებით, რადგან ეს მნიშვნელოვანი არჩევნებია. ჩემთვის უცნობია ამ კონსულტაციების დეტალები. მე ვფიქრობ, რომ პარტიის ყრილობაზე ბევრად მეტი ინფორმაცია გახდება ცნობილი",- აღნიშნა ჯანდაცვის მინისტრმა