საქართველოს მასშტაბით საყოველთაო ელექტრონული რეგისტრაცია 8 მაისს დაიწყო და პირველადი ინფორმაციით, დარეგისტრირდა 16 900 პირველკლასელი.თბილისის რამდენიმე სკოლაში თავისუფალი ადგილი პირველივე წუთებში შეივსო. ამ ეტაპისთვის ვაკანტურია 35 000–ზე მეტი ადგილი.რეგისტრაცია განათლების მართვის საინფორმაციო სისტემის ვებგვერდზეა შესაძლებელი. (registration.emis.ge). მოსწავლისა და მისი მშობლის შესახებ ეკრანზე გამოტანილი ყველა ველის შევსება სავალდებულოა, რეგისტრაციის გავლის შემდეგ პირველკლასელს ინდივიდუალური კოდი მიენიჭება, რომელიც ბავშვის შემდგომი იდენტიფიცირებისათვისაა მნიშვნელოვანი. განათლების სამინისტროში განმარტავენ, რომ რეგისტრაციის პროცესში მითითებული ინფორმაციის სისწორეზე პასუხისმგებელია ის ადამიანი, რომელიც უშუალოდ ბავშვს არეგისტრირებს.
ზოგადსაგანმანათლებლო დაწესებულებებში მეორე ეტაპზე რეგისტრირებული მოსწავლის ჩასარიცხად აუცილებელი დოკუმენტების მიღება 2018 წლის 11 ივნისიდან 30 ივნისის ჩათვლით მოხდება.
პირველკლასელთა რეგისტრაცია 10 აპრილს დაიწყო და სამ ეტაპად მიმდინარეობს.