ზუგდიდში პროკურატურის შესასვლელთან, შპს ცისარტყელას მიმდებარე ტერიტორიაზე ყაჩაღობა მოხდა. თვითმხილველების თქმით, დაინახეს თუ როგორ მირბოდა შუახნის ქალი, რომელიც ყვიროდა „დაიჭირეთ“. ერთ-ერთი თვითმხილველის თქმით, ქალს ჩანთა წაართვეს.“ დავინახე როგორ მირბოდა ქალი, ყვიროდა, დაიჭირეთ, დაიჭირეთო. თავიდან ვერ მივხვდი რა ხდებოდა, მერე როგორც გავიგე, თურმე დაუყაჩაღებიათ, სუმკა წამართვესო იძახდა. 500 დოლარი ქონია ჩანთაში, ბანკიდან გამოვიდაო ამბობენ“- უთხრა „ოდიშინიუსს“ ერთ-ერთმა თვითმხილველმა. შემთხვევა დაახლოებით ერთი საათის წინ მოხდა.
შსს-ში „ოდიშინისს“ უთხრეს, რომ უწყებაში ამ ფაქტთან დაკავშირებით ინფორმაციას არ ფლობენ. ბოლო ერთი კვირის განმავლობაში ქალაქის ცენტრში ძარცვისა და ყაჩაღობის ეს უკვე მეორე შემთხვევაა. რამდენიმე დღის წინ, ზუგდიდში ოქროს ბირჟაც გაძარცვეს.