ამჯერად ბიძინა ივანიშვილის დენდროპარკისთვის იშვიათი ჯიშის კატალპა, ინგირში მდებარე რესტორან „სამეფოს“ ეზოდან წაიღეს. გიგანტური ზომის ხის ტრანსპორტირების გამო 14 სოფელი ელ.ენერგიის გარეშე დარჩა. დიდი ზომის ხის ტრანსპორტირება საკმაოდ რთული აღმოჩნდა, ტოტები დაემტვრა როგორც კატალპას, ასევე გზისპირზე მდგომ სხვა ხეებსაც.დაზიანდა ელექტრობოძები, დაიმტვრა გარეგანათებები. პარალიზებული მოძრაობის გამო რამდენიმე საათი გაჩერებული იყო სასწრაფო სამედიცინო ბრიგადის მანქანა, რომელიც გამოძახებიდან ბრუნდებოდა. მოგვიანებით, როცა გზა გაიხსნა, მანქანებს გზაზე მიმოფანტულ ელექტროსადენებზე მოუწიათ გადაადგილებამ. პროცესში ჩართული იყო ასობით მუშა ჯგუფი, როგორც ელექტრიკოსები, მეგზევეები, მუშები, პოლიცია. პირამიდალური კრონით, გულისებრი, ნაზი ფოთლებით გამორჩეული კატალპა ამჯერად კახათშია გაჩერებული, ცოტა ხანში მასთან ერთად სხვა ხეებსაც ანაკლიის ზღვით შეკვეთილში გადაიტანენ. რა ზარალი მიადგა ზუგდიდის მუნიციპალიტეტს ოლიგარქის ახირებული სურვილების შესრულების პროცესში უცნობია, სავარაუდოდ ამ ფაქტით ხელისუფლება არც დაინტერესდება.
ინგირიდან ხის ტრანსპორტირების გამო წუხელ სასწრაფო დახმარების ბრიგადას გზაზე პრობლემები შეექმნა[Video]
Published on