გიორგი მარგველაშვილის განცხადებით, მისთვის ოპოზიციის ერთიან საპრეზიდენტო კანდიდატობაზე შემოთავაზება არავის გაუკეთებია.

0
370
პრეზიდენტი მადლობას უხდის ყველა იმ პოლიტიკოსს, ვინც მის მიმართ ნდობა გამოხატა და საპრეზიდენტო კანდიდატად მას მხარი დაუჭირა. გიორგი მარგველაშვილის თქმით, ის პოლიტიკური კონსულტაციებისთვის ყოველთვის ღიაა და მზადა ყველა ძალას ესაუბროს. 
„შემოთავაზება არ არსებობს. რა თქმა უნდა მე ანგარიშს გავუწევ ნებისმიერ ადამიანს, რომელიც ჩემთან მიმართებაში რაღაც პოზიტივს დააფიქსირებს და მე მადლობელი ვარ იმ პოლიტიკოსების, რომლებმაც ჩემს მიმართ ეს ნდობა გამოხატეს, თუმცა მე არ ვარ არც ერთი ამ პარტიის წევრი. მე რომ მდომოდა რომელიმე პარტიაში ასე აქტიურად გაერთიანება, მე იქ ვიქნებოდი. ჩემთვის, არამარტო ახლა, არამედ როდესაც ოცნებაში ვიყავი, როცა მთავრობაში ვიყავი და მანამდეც, როცა ოპოზიციაში ვიყავი, ამოსავალი იყვნენ საქართველოს მოქალაქეები და მათი სამსახური უფრო მეტად, ვიდრე პოლიტიკური ელიტა. მე პოლიტიკური კონსულტაციებისთვის ყოველთვის ღია ვარ და მზად ვარ ნებისმიერ პოლიტიკურ ძალას ვესაუბრო“, – განაცხადა გიორგი მარგველაშვილმა.
წინა სტატიამიწის გასხვისების კორუფციული სკანდალი სამეგრელოში – მარტვილის მუნიციპალიტეტის მიწის ლეგალიზაციის კომისიის ყველა წევრი დაკითხვაზე იმყოფებოდა.
შემდეგი სტატიამთელი ევროპა და ამერიკა შემოვიარე ტატუნაშვილის თემით, მე რომ ამ თემას წამომიყენებ, რომ ტატუნაშვილის თემაზე არ ისაუბრაო, სერიოზული კომენტარია ეს?! -მარგველაშვილი
ტელეკომპანია ოდიშის საინფორმაციო სამსახური