წუხელ დიდინეძიდან ბიძინა ივანიშვილისთვის გამზადებული ჭადრის ტრანსპორტირება ვერ მოხერხდა. ადგილზე იმყოფებოდნენ როგორც სამართალდამცავები, ისე კომანია ,,ზიმოს,, წარმომადგენლები, რომლებიც ხეების ტრანსპორტირებას უზრუნველყოფენ. ჯგუფი გამთენიამდე მუშაობა, თუმცა ტრანსპორტირებისთვის გამოყოფილი 5 საათიანი დრო საკმარისი არ აღმოჩნდა, რის გამოც ხის ტრანსპორტირება შეჩერდა.მოსამზადებელი სამუშაოები საკმაოდ ხანგრძლივი პროცესი აღმოჩნდა.
ენერგოკომპანიის წარმომადგენლებმა ელექტრობოძები გადახსნეს, რის გამოც დიდინეძსა და მიმდებარე სოფლებს მთელი ღამე ელ.ენერგია არ მიეწოდებოდა.
ბიძინა ივანიშვილის დენდროპარკში წასაღებად კიდევ რამდენიმე ხეა გამზადებული. სავარაუდოდ მათი ტრანსპორტირება უახლოეს მომავალში მოხდება. ხის ტრანსპორტირებისას გათიშული ელ.ენერგია, წაქცეული ბოძები და დაზიანებული საგზაო ნიშნები მოსახლეობის უკმაყოფილების მიზეზი ხდება. ხეებს ანაკლიით, ზღვაზე გამზადებული სპეციალური ბარჟით შეკვეთილში გადაიტანენ.
